Mundart-Gedicht zur LONDON-Reise
einer 4. HAUPTSCHUL-Klasse aus der Weststeiermark

L O N D O N

Die 4d is heia noch London gfoahn
und sie hot dabei kan oanzign valoan.
Die Koffa einpockt, `n Segn schnöll kuhlt
und scho is da Bus noch Englond lousgrullt.
Die Busfoad woar long, die Fähre woar schnöll
und wia ma dann duat woarn, do woas niama höll.

Die Leit de hom scho gwoatat aft Nocht
und wia ma dann duat woan do homa schen glocht.
As readn mit senan des woa goa net schwea
und wonns wos guats gebm hot woars Tölla glei lea.
Am nextn Tog woa ma scho olle fria woch,
doch woar ma no miad und woarn a no schwoch.

Im Woxfigurenkabinett
do homma `n Napoleon gseng ling aufm Bett.
Und in da Kathedrale von Sankt Paul
do woa ma bam Stiang steign goa net faul.
Die Schifffoaht de hot uns holt a intressiert
`s Marinemuseum hom wia inspiziert.

Im Parlament hot uns a kana kennt
sie hom uns net eini lossn, wals olle hom pennt.
Die Herrschoft die feiert in da Westminsta Abtei
i wear froh wear i a nua amol dabei.

Zur Prochtstroßn sogn olle Poll-Moll
do duach gehn des is holt a gonz schene Quol.
Denn bam Backinghem Palast do war vül los
wal do woarn die Hochn bei senam Schloß.

Bam ham foahrn do homa a Gaude gmocht
a wenn net a jeda die gonze Zeit glocht.
Um zwölfe do woan ma in Dobl scho
die Öltan hom ole gwoatat do.
Die Reise is aus, san gsund wieda z´ Haus
jetzt eß ma holt wida an steirischn Schmauß.

Andrea Teiner